БИШКЕК, 16-июль — Sputnik. Адаттан тыш ысык жана майрамдан улам бүгүн Кыргызстанда иш күнүн эки саатка кыскартуу чечими кабыл алынганын өкмөттүн маалымат кызматы билдирди.
ӨКМ жакынкы күндөрдө абанын температурасы 45 градуска жете турганын маалымдаган. Ошону менен бирге эртең республика боюнча майрамдык Айт намаз өтөт.
Буга байланыштуу Эмгек, миграция жана жаштар министрлиги иш күнүн бир саатка кыскартууну сунуштаган. Мындан тышкары Эмгек кодекси майрам алдында иш күнүн бир саатка кыскартууга уруксат берет.
Иш күнүн кыскартуу боюнча буйрукка премьер-министр кол койду.
