БИШКЕК, 14-июль — Sputnik. Бишкекте Кыргызстан жана Кытай Тышкы иштер министрликтери консулдук суроолор жана анын андан аркы өнүгүшү боюнча отурум өткөрдү. Бул туурасында аталган министрликтин маалымат кызматы билдирди.
Тараптар консулдук кызматтардын актуалдуу болуп келген маселелерин талкуулап, аны мындан ары өнүктүрүү жолдорун талкуулашты. Эки мамлекеттин аймактарында иш алып барып жаткан юридикалык жана жеке тараптардын кызыкчылыктары менен укуктарын коргоого өзгөчө көңүл бурулду.
Кыргыз тараптын делегацииясын Консулдук кызмат боюнча Департаменттин директору Арсланбек Уметалиев, ал эми экинчи тарапты Кытайдын делегациясын Консулдук Департаменттин жетекчисинин орун басары Лу Сюй жетектеп келди.
