БИШКЕК, 30-июнь — Sputnik. Бул аптада Кыргызстанда аптаптуу ысык аба ырайы күтүлүүдө. Өзгөчө кырдаалдар министрлиги тараткан шашылыш билдирүүгө ылайык, быйылкы аптаптуу ысык 2-4-июль күндөрүнө туура келет.
Маалыматка ылайык, абанын температурасы Чүй, Талас, Ош, Жалал-Абад облустарынын өрөөндөрүндө жана Баткендин дыйканчылык аймагында 36…41, тоолуу аймактарда 30…35, ал эми Ысык-Көл, Нарын облустарынын дыйканчылык жерлеринде 29…34 градус ысык болушу күтүлөт.
Бишкекте ысык 38-40 градуска чейин көтөрүлүшү мүмкүн. ӨКМ мындай аба ырайы токойлордо өрткө себеп болушу ыктымал экенин эскертет.
