БИШКЕК, 23-июнь — Sputnik. Нарын дарыясына жуунуп атып, сууга түшүп кеткен Таш-Көмүр шаарынын тургуну 26 жаштагы Садыралы уулу Айбектин сөөгү табылганын Өзгөчө кырдаалдар министрлигинин маалымат кызматы билдирди.
Маалыматка ылайык, 26 жаштага жаран Нарын дарыясынын "Золотой Бачок" участкасында жуунуп жатып, 22-июнда күндүзгү саат 3.00дөр чамасында чөгүп кеткен.
Ондон ашык суу куткаруучулары тартылып, алар маркумдун жансыз денесин суудан таап, сөөгүн туугандарына өткөрүп беришти.
