БИШКЕК, 22-июнь — Sputnik. Кыргызча-орусча сөздүктүн түзүүчүсү Константин Юдахиндин 125 жылдыгы 26-июнда белгилене турганын Мамлекеттик тил боюнча улуттук комиссия билдирди.
Улуу академик Константин Юдахиндин 125 жылдыгы жана ал түзгөн Кыргызча-орусча сөздүктүн 50 жылдык мааракеси белгиленет.
Константин Юдахин 1890-жылы туулган. Ал Кыргыз ССР илимдер академиясынын академиги болгон. Юдахин түзгөн Кыргызча-орусча сөздүгү 1940-жылы чыккан, 1944-жылы Орусча-кыргызча сөздүгү чыккан.
Аталган иш-чаранын алкагында Юдахиндин жалпы редакциясы алдында түзүлгөн Орусча-кыргызча сөздүктүн жана Кыргызча-орусча сөздүктүн ичиндеги унутулуп калган, колдонуудан чыгып бара жаткан жети миңден ашуун сөздү камтыган "Сөздүктөгү сөздүк" аттуу китептер жарыкка чыгууда.
Ал эми жогоруда аталган мааракелерге арналган илимий-практикалык конференциялар сентябрь-октябрь айларында өтөт.
