"Манас" эпосунун түшүндүрмө сөздүгү чыкты

© пресс-служба НАН КР"Манас" эпосунун түшүндүрмө сөздүгү
Манас эпосунун түшүндүрмө сөздүгү - Sputnik Кыргызстан
Жазылуу
Эпостун текстин терең түшүнүү, андагы көөнө жана башка тилдерден кирген сөздөрдү чечмелөө, ошондой эле ар түрдүү түшүнүктөрдү жыйноодо буга чейин олуттуу тажрыйба топтолгон.

БИШКЕК, 11-июнь — Sputnik. "Манас" эпосунун түшүндүрмө сөздүгү басылып чыкканын Улуттук илимдер академиясынын маалымат кызматы билдирет.

Маалыматка ылайык, "Манастагы" сөздөрдүн, түшүнүктөрдүн сөздүгүн системалуу чогултуу, түзүү 60-жылдардын аягында залкар манасчылар Сагымбай менен Саякбайдын варианттарынан башталган.

Сөздүк эпостогу көөнө жана башка тилдерден кирген сөздөргө, ошондой эле тарыхый-этнографиялык, мифтик, диний, географиялык, астрономиялык, философиялык, медициналык ж.б.түшүнүктөрдүн чечмелиниши камтылган. 

"Буга чейин бай тажрыйба топтолду. Жумушчу топ Ыбырай Абдрахманов, Константин Юдахин, Кусеин Карасаев, Самар Мусаев баш болгон бир катар окумуштуу-илимпоздордун эмгегине таянды", — деп айтылат билдирүүдө.

Памятник Манасу - Sputnik Кыргызстан
"Манас" үчилтигинин негизинде сөздүк даярдалды
Аталган сөздүк Абдылдажан Акматалиевдин редакторлугунун алдында түзүлгөн.

"Манас" эпосунун түшүндүрмө сөздүгүндө бардык сөз тизмектери камтылды деген ойдон алыспыз. Ошентсе да бул сөздүк "Манас" эпосубуздун сөз байлыгын азыркы окурмандарга түшүнүүгө жардам көрсөтөт деген ишенимдебиз", — дейт Акматалиев. 

Сөздүк "Манас" үчилтигинин негизинде даярдалып, аны түзүүгө манас таануучулар маркум Самар Мусаев, Эсенаалы Абдылдаев, Райкул Сарыпбеков, Кеңеш Кырбашевдерден тартып бүгүнкү жаш илимий кызматкерлерге чейин катышкан.

Жаңылыктар түрмөгү
0