БИШКЕК, 18-июнь — Sputnik. Президент Алмазбек Атамбаев Түркиянын 9-президенти Сулейман Демирелдин дүйнөдөн кайткандыгына байланыштуу аталган республиканын президенти Режеп Тайып Эрдоганга көңүл айтты.
"Түркия жана жалпы түрк дүйнөсү легендарлуу лидерден, көрүнүктүү саясатчыдан жана мамлекеттик ишмерден айрылды", — деп жазылат телеграммада.
Президент Атамбаев Кыргызстан элинин жана жеке өзүнүн атынан маркумдун үй-бүлөсүнө, бир тууган жана боордош Түркиянын жалпы элине терең кайгыруу менен көңүл айтты.
