БИШКЕК, 17-июнь — Sputnik. Түркиянын борбору Анкара шаарында 91 жашында Түркиянын мурдагы президенти жана өкмөт башчысы Сулейман Демирел дүйнө салды.
Тарых илимдеринин доктору, Махмуд Кашгари-Барскани атындагы Чыгыш университетинин профессору Асан Ормушев саясатсы Сулейман Демирелди Түркиянын мурдагы президенти Тургут Өзалдын баштаган кыргыз-түрк достугунун жолун улаган адам катары сыпаттады.
"Сулейман Демирелди Кыргызстан эгемендүүлүгүн алган жылдардагы расмий сапары менен Кыргызстанга келген жогорку даражадагы адамдардын бири болуптур. Бул ошол кездеги өкмөт башчысы Турсунбек Чыңгышевдин мемуарында сүрөттөлгөн. Ал Кыргызстанга келген эки күндүк расмий сапарында көп жакшы иштерди жасап кеткен. Ошол келишинде Кыргызстанда Түркиянын элчилиги ачылган", — деди Ормушев.
Сулейман Демирелдин учурунда Измир шаарында 11 пункттан турган биринчи келишимге кол коюлуп, Кыргыз-түрк "Манас" университети түзүлгөн, Анадолу кыздар лицейи ачылган.
Ормушевдин айтымында, Демирел Түркиянын президенти Тургут Өзалдын баштаган кыргыз-түрк достугунун жолун уланткан жана бул жаатта сиңирген эмгеги абдан зор.
