БИШКЕК, 16-июнь — Sputnik. Алдыдагы кыш мезгилине даярдык көрүүнүн алкагында "Түндүкэлектро" ААК жогорку вольттуу подстанциялардын кубаттуулугун күчөтүү боюнча иштерди улантып жатканын мекеменин маалымат кызматы билдирди.
Ушул апта аралыгында Бишкектеги "Центральная-6" подстанциясындагы 10 миң киловатт-ампер кубаттуулуктагы трансформатор 16 миң киловатт-амперлүү жаңы трасформаторго алмаштырылат.
Москва районундагы "Беловодская-2" жана Ысык-Ата районундагы "Новопокровка" подстанцияларындагы эски транформаторлор эки эсе күчтүү жабдыктарга алмаштырылат.
Адистер жаңы трансформаторлорду сыноодон өткөрүштү.
Ар бири 16 миң киловатт-ампер кубаттуулуктагы төрт жаңы трансформаторду сатып алууга "Түндүкэлектро" ААК 44 миллион сом сарптады.
"Түндүкэлектро" ААК үстүбүздөгү жылдын аягына чейин каскаддык ыкма менен Бишкек жана Чүй облустарындагы 15 жогорку вольттуу подстанциялардын трансформаторлорун алмаштырууну пландаштырууда.
