БИШКЕК, 8-июнь — Sputnik. Футбол боюнча Кыргызстандын артисттеринин курама командасы Германия менен болгон беттеште 1:1 эсебинде тең чыкканын мелдештин расмий сайтында жарыяланды.
Аталган оюндарга биринчи жолу катышып, В тобунда ойноп жаткан кыргызстандыктардын мелдештин фаворити делген Германиянын командасы менен тең чыгышы көпчүлүк үчүн күтүүсүз болду.
Буга чейин Кыргызстандын артисттеринин футбол боюнча курама командасы Казакстан менен ойноп, 2:2 эсебинде тең чыгышкан болчу.
"Арт-футбол" деп аталган футболдук-музыкалык фестиваль Москва шаарында 5-14-июнь аралыгында "Жакшылыктын желеги астында" деп аталган кайрымдуулук акциясынын алкагында өтүүдө.
Бирден-бир эл аралык масштабдагы бул акция быйыл бешинчи ирет өтүп жатат. Мелдешке ФИФАнын колдоосу астында "Фубол боюнча артисттер арасындагы чемпионат" деген расмий ат ыйгарылган.
