БИШКЕК, 8-июнь — Sputnik. Шаар кызматтарынын жумушчулары 60 миң сомдон айлык алышы керектигин Sputnik кабарчысына берген маегинде шаар мэри Кубанычбек Кулматов билдирди.
Анын айтымында, "мэриянын жасаган иштеринде айрым мүчүлүштүктөр бар, көрсөткүчтөрдүн төмөндүгүнө материалдык-техникалык базанын начардыгы да себеп болушу мүмкүн".
"Бирок биздин кызматкерлер абдан күжүрмөн адамдар. Өз иштеринен рахат алышат. Алар колдоого гана муктаж. Андыктан алардын маянасын 50-60 миң сомго чейин көтөрүү керек", — деди Кулматов.
Бишкек мэри түз эфирде шаардыктардын борбор калаанын тазалыгы, жолдордун курулушу жана аларды оңдоп-түзөө иштери, көчөлөрдү жарыктандыруу сыяктуу суроолоруна жооп берди.
Мындан тышкары, шаардыктаргы эски имараттардын реконструкцияланышы, жаңы жолдордун ачылышы жана шаарды өнүктүрүү агенттигинен көрсөтүлүүчү жардам тууралуу маалыматтар кызык экенин белгилей кетүү зарыл.
