БИШКЕК, 8 июнь — Sputnik. "Нарын" сыяктуу ресторандын шаарга кереги жок деп билдирди мэр Кубанычбек Кулматов имараттын келечеги тууралуу айтып жатып.
Фрунзе жана Шопоков көчөлөрүнүн кесилишинде жайгашкан "Нарын" рестораны 1980-жылдары абдан атактуу болгон. Бирок акыркы 10 жылдан бери имарат эч каралбай калган.
Анын айтымында, учурда имарат боюнча сүйлөшүүлөр жүрүп жатат.
"Ресторандын имараты — өтө ири курулуш. Андыктан кошумча сүйлөшүүлөр жүрүп жатат. Нарын сыяктуу ресторандын шаарга кереги жок. Бул өтө чоң монументалдуу имарат. Менин баамымда, ресторан чакан жана ыңгайлуу болушу керек", — деди Кулматов.
Мындан тышкары, шаардыктаргы эски имараттардын реконструкцияланышы, жаңы жолдордун ачылышы жана шаарды өнүктүрүү агенттигинен көрсөтүлүүчү жардам тууралуу маалыматтар кызык экенин белгилей кетүү зарыл.
