ТИМ Пан Ги Мундун Ошко боло турган иш сапарынын максатын айтты

© Sputnik / Сергей Гунеев / Медиабанкка өтүүБУУнун башкы катчысы Пан Ги Мун. Архив
БУУнун башкы катчысы Пан Ги Мун. Архив - Sputnik Кыргызстан
Жазылуу
БУУ жетекчиси менен жолугушуу учурунда кыргыз тарап КР менен БУУ ортосундагы кызматташууну, аймактык жана эл аралык саясат маселелерин талкууга алууну көздөп жатат.

БИШКЕК, 8 июнь — Sputnik. БУУнун башкы катчысы Пан Ги Мун 2010-жылдагы окуялардан кийин аймакты экономикалык калыбына келтирүү боюнча кыргыз өкмөтү менен БУУнун биргелешкен ишинин натыйжасы менен таанышуу үчүн Ош шаарына бара турганын ТИМ маалымат кызматы билдирди.

Пан Ги Мун 11-июнда Кыргызстанга келип Ошко да барат
10-11-июнь күндөрү Пан Ги Мун Борбордук Азияга боло турган иш сапарынын алкагында Кыргызстанга келет. Башкы катчы президент Алмазбек Атамбаев, ЖК төрагасы Асылбек Жээнбеков менен КР премьер-министри Темир Сариев менен жолугушат.

Жолугушуу учурунда кыргыз тарап КР менен БУУ ортосундагы кызматташууну, аймактык жана эл аралык саясат маселелерин талкууга алууну көздөп жатат.

11-июнь күнү БУУ башкы катчысы Пан Ги Мун "Парламент демократиясынын өнүгүшү: сабактар жана келечек" аттуу эл аралык илимий-практикалык конференцияга катышат

Пан Ги Мун Кыргызстанга БУУнун башкы катчысы катары экинчи ирет келип жатат. Алгачкы сапары 2010-жылдын 3-апрелинде болгон.

Жаңылыктар түрмөгү
0