Бишкекте парламентаризм боюнча илимий конференция өтөт

Жазылуу
Бириккен Улуттар Уюмунун баш катчысы Пан Ги Мун Кыргызстанга болуучу иш сапары маалында парламенттик демократияга арналган илимий-практикалык конференцияга катышуусу пландаштырылууда.

БИШКЕК, 5-май — Sputnik. Пан Ги Мун менен Алмазбек Атамбаевдин Бишкекте боло турган илимий конференцияга катышуусу күтүлүп жатканын Жогорку Кеңештин маалымат кызматы билдирди.

Пан Ги Мун 11-июнда Кыргызстанга келип Ошко да барат
11-июнда Бишкекте "Парламенттик демократияны өнүктүрүү: алынган сабактар жана анын келечеги" темасында эл аралык илимий-практикалык конференция болот

Жогорку Кеңештин төрагасы Асылбек Жээнбеков Кыргызстан парламентинин ишмердүүлүгү жөнүндө баяндама жасайт.

Конференциянын максаты парламенттик демократияны өнүктүрүү жаатындагы алгачкы тажырыйбалар менен Кыргызстанда парламенттик демократияны өнүктүрүүнүн келечегин талкуулоо болуп саналат.

2010-жылдан тарта өлкөнүн жаңы Конституциясы жарыяланып, Кыргызстан парламенттик демократия жолуна түштү. Азыркы шартта Жогорку Кеңеш конституциялык түзүлүштү аныктап, аткаруу бийлигин, судьялар корпусун, башка конституциялык органдарды түзөт.

Жаңылыктар түрмөгү
0