БИШКЕК, 5-июнь — Sputnik. Москва шаарында үч унаанын кагылышуусунан каза болгон Ош облусунун Маңгыт айлынын жашоочусу Чынара Таированын сөөгү Кыргызстанга алынып келгенин ӨКМ маалымат кызматы билдирет.
Кырсык 1-июнга караган түнү Москва шаарынын батыш тарабында МКАДдан үч чакырым алыстыктагы М-3 "Украина" федералдык трассасында болгон. Жол коопсуздугу боюнча мамлекеттик инспекциянын билдирүүсү боюнча, кырсык үч унаанын — ВАЗ-2114, автожүктөгүч жана "Тойота" маркасындагы микроавтобустун кагылышуусунан улам келип чыккан. Машинанын бирөө аласалып кеткен.
Маалыматка ылайык, Таирова ооруканага жеткирилгенден кийин каза болгон.
Авария кесепетинен набыт болгон төрт адамдын бирөөсү жана жабыркагандардын бири Кыргызстандын жарандары экендиги аныкталган.
Кырсыктан жабыр тарткан кыргызстандык 1992-жылы туулган Темир Мусалиев учурда Москва шаарынын №1 ооруканасында.
