БИШКЕК, 3-июнь — Sputnik. Кыргызстандын футбол боюнча курама командасы испаниялыктар менен ойной турганын КР футбол федерациясы билдирди.
Казакстандын президентинин эл аралык кубогу үчүн оюндардын календары жана командалар аныкталды. Кубокко 1999-жылга чейин төрөлгөн оюнчулар катышат.
Самат Суймалиев жетектеген Кыргызстандын футбол боюнча жаштар курама командасы "А" тобуна кирген Испаниянын, Тажикстандын жана Казакстандын командалары менен ойнойт. "В" тобунда Россиянын, Белоруссиянын, Азербайжандын жана Грузиянын командалары күч сынашат. Оюндар Астана шаарындагы "Астана-Арена" стадионунда өтөт.
Кыргызстандын курама командасы төмөнкү күндөрү ойнойт:
- 22-июнь — 19:00 Казакстан – Кыргызстан.
- 23-июнь — 16:00 Тажикстан – Кыргызстан.
- 25-июнь — 16:00 Испания – Кыргызстан
Ал эми 26-июнда финалдык оюндар өтөт.
