БИШКЕК, 2-июнь — Sputnik. Москвада 1-июнда болгон ири жол кырсыгынан каза болгондордун арасында эки кыргызстандык бар экенин КР Өзгөчө кырдаалдар министрлиги билдирди.
Москва шаарында 1-июнда Москва убактысы боюнча Киев кан жолунун "Тойота-Альфард" үлгүсүндөгү (мамлекеттик номери 25-14 SAL) кичиавтобус менен жүк ташуучу унаа сүзүшүп, 4 адам каза болуп, 3 адам жабыркаган.
Буга чейин жол кырсыгынан каза болгондор башка мамлекеттин жарандары экени маалымдалган.
ӨКМдин маалыматына ылайык, жол кырсыгынын кесепетинен эки Кыргызстандын жараны каза болгон. Алар:
- 1978-жылы туулган В. А. Аветисян, Кыргызстандын жараны;
- 1975-жылы туулган Е. А. Исакова, Кыргызстандын жараны;
Азият улутундагы ким экендиги такталбаган, бир аял жана бир эркек.
Жабыркагандар:
- 32 жаштагы Ш. К. Исаева, Москвадагы Боткин атындагы ооруканада;
- 23 жаштагы Т. К. Масалиев, Москва шаардык №1 ооруканасында;
- 48 жаштагы Д. У. Исмаилова, Москва шаардык №1 ооруканасында.
Жабыркагандардын кайсы мамлекеттин жараны экендиги такталууда.
