БИШКЕК, 22-май — Sputnik. КСДП фракциясынын депутаты Бахтияр Кадыров журналист туура эмес кийинип келди деп сындады.
Ал өлкөнүн саясаты жүрүүчү Ак Үйдө журналисттер дресс-код сактабай жаткандыгына ачууланды.
"Журналисттер мамлекеттик жогорку органдын имаратына футболкачан, туура эмес кийинип келишүүдө. Иштеген жериңерди сыйлашыңар керек да", — деди ал.
Андан сырткары, депутат жалпыга маалымдоо каражаттарынын өкүлдөрүн отурумга кечикпей келүүгө чакырды, себеби алар "иштегенге тоскоолдук жаратып, ары-бери басып жатышат".
Бул парламентарийлердин журналисттерге болгон биринчи нааразылыгы эмес, буга чейин да ЖКнын трибунасынан бир топ сын-пикирлер айтылып келген.
