БИШКЕК, 20-май — Sputnik. "Ата-Журт" фракциясынын депутаты Жылдызкан Жолдошова ЕАЭБке кирүү боюнча документтерди кабыл алуу кыйноо аркылуу киргизилип жатат деп эсептейт.
Ал, эгер КРдин Евразиялык экономикалык биримдикке кирүүсү боюнча документтер топтому кабыл алына турган болсо, Башкы прокуратурага аталган документтин мыйзамдуулугун аныктоо үчүн кайрыла тургандыгын билдирди.
"Бул жерде документти зордоп колдотууга аракеттер болуп жатат. Муну накта жалган документ жасоо деп айтса болот. Эгер бүгүн бул документтер топтому кабыл алына турган болсо мен Башкы прокуратурага кайрылам", — деди ал.
Өз кезегинде Жогорку Кеңештин төрагасы Асылбек Жээнбеков көптөгөн кыргызстандыктар өлкөнүн ЕАЭБге кирүүсүн күтүп жатканын кошумчалады.
Кыргызстан ЕАЭБке кирүү боюнча келишимге 8-майда Москва шаарында кол койгон. Өлкөнүн аталган биримдикке толук кирүүсү үчүн документтер Жогорку Кеңеш ратификациялоону жактырыш керек. Документтер топтому парламентке 18-майда киргизилген.
