БИШКЕК, 20-май — Sputnik. Премьер-министр Темир Сариев элдин 80-90 пайызы өлкөнүн Евразиялык экономикалык биримдикке кирүүсүн колдой турганын Жогорку Кеңештин жалпы жыйынында билдирди.
Анын айтымында, мындай көрсөткүч акыркы жүргүзүлгөн иликтөөлөрдө белгиленген.
Сариев ошондой эле, Евразиялык экономикалык биримдикке кирүү иштерин аткарууда президент менен өкмөт бир муштумга бириккенин айтты.
ЕАЭБге кирүү менен Кыргызстандын экономикасы төрт эркиндикке жете турганын премьер-министр баса белгиледи. Алар: капиталдын эркиндиги, товардын айлануу экриндиги, кызмат берүү жана жарандардын кирип чыгуу эркиндиги.
Кыргызстан ЕАЭБге кирүү боюнча келишимге 8-майда Москва шаарында кол койгон. Өлкөнүн аталган биримдикке толук кирүүсү үчүн документтер Жогорку Кеңештен ратификацияланышы керек. Документтер топтому парламентке 18-майда киргизилген.
