БИШКЕК, 8-май — Sputnik. Премьер-министр Темир Сариев Ош облусу жана Ош шаары боюнча бир күндүк иш сапарынын алкагында "Достук-автодорожный" көзөмөлдөө-өткөрүү пунктунун иши менен таанышты. Ал автоунаа, жүк жана жүргүнчүлөрдү өткөрүүчү пункт.
"Достук-автодорожный" өткөрүү пунктун кыдырууда өкмөт башчы белгилегендей, Кыргызстандын ЕАЭБге "Достук" Кыргызстан жана Өзбекстандын мамлекеттик чек арасы аркылуу өткөн негизги өткөрүү пунктуна айланат.
"Буга байланыштуу өзгөчө көңүлдү өткөрүү пунктунун инфраструктурасына жана техникалык жабдылышына буруу зарыл. Ал ЕАЭБ стандарттарына дал келүүсү тийиш", — деди Сариев өткөрүү пунктун реконструкциялоо долбоору менен таанышып жатып.
Андан соң премьер-министр Араван районундагы Кен-Сай жаңы конушуна барып, Кен-Сай, Ачы жана Каттасай аймактарын өздөштүрүү боюнча курулуш ишинин долбоору менен таанышты. Мындан сырткары, Өкмөт башчы Ош облусунун Араван районундагы жазгы-талаа иштеринин жүрүшүн көзөмөлдөдү.
