БИШКЕК, 7-май — Sputnik. Кыргызстанда быйыл бир кВт-саат электр-энергиясынын баасы 2,32 сомду түзгөнүн Отун-энергетикалык комплексин жөнгө салуу боюнча мамлекеттик департаменттин директору Нурбек Элебаев маалымат жыйында билдирди.
Өткөн жылы бир кВт-саат электр энергиясынын баасы 1,24 сом болгон.
Элебаевдин айтымында, киловатт-сааттын эсептөө баасы төмөнкү көрсөткүчтөрдөн турат:
- электр кубатын иштеп чыгуу жана аны сатып алуу (учурда ал 1,06 сомдон)
- аны берүү (0,21 сом);
- бөлүштүрүү (0,44 сом);
- кошумча нарк салыгы (0,15 сом);
- бөлүштүрүүчү компаниялардын жоготуулары (0,44 сом).
Департаменттин башчысы белгилегендей, орточо тарифтин өсүшү каражаттын тартыштыгына, импорттун көбөйүшүнө, инфляцияга жана энергокомпаниялардын насыяларынын көптүгүнө байланыштуу.
