ТИМ: Жол кырсыгынан каза болгондордун айрымдарынын сөөгүн таануу кыйын болууда

© фото предоставлено МЧС КРКазакстандын Жамбыл облусундагы жол кырсыгы
Казакстандын Жамбыл облусундагы жол кырсыгы - Sputnik Кыргызстан
Жазылуу
Жамбыл облусундагы кырсыктан күйүп кеткен кыргызстандыктардын сөөгүн экспертиза аркылуу таануу зарылчылыгы келип чыкса, алардын сөөгүн Кыргызстанга алып келүү созулуп кетиши мүмкүн.

БИШКЕК, 20-апр. — Sputnik. Казакстандын Приозерск жана Балхаш шаарларында жол кырсыгынан каза болгондордун сөөгүн таануу үчүн туугандары келип, сот-медициналык иштер жасалууда. Кээ бир сөөктөр катуу күйүп калгандыктан, аларды таануу татаал болуп жатат. Бул туурасында ТИМдин маалымат кызматы билдирди.

"Жол кырсыгына кабылып, күйүп кеткендердин айрымдарынын сөөгүн таануу кыйын болуп жатат. Туугандары тааный албай койсо, каза болгондордун сөөгүнөн алынган үлгүлөр Астана шаарына генетикалык экспертизага жөнөтүлөт. Мындай учурда идентификация созулуп кетиши мүмкүн", — деп билдирди ТИМдин маалымат кызматынан.

Казакстанда кырсыкка кабылган кичи автобус 19 эмес, 7 жүргүнчүгө гана ылайыкталган
Кыргызстандын Алматыдагы башкы консулдугу КРдин Өзгөчө кырдаалдар министрлиги менен биргеликте маркумдардын сөөгүн тиешелүү процедуралар жана экспертизалар жасалгандан кийин мекенине алып келүүнүн үстүндө иштеп жатат.

Жекшемби күнү, 19-апрелде эртең менен ири жол кырсыгынан кыргызстандык 15 адам курман болуп, бир тобу күйүп кеткен. Кырсык Жамбыл облусуна караштуу Моюнкум аймагындагы Алматы — Екатеринбург жолунун 487-чакырымында болгон. Жүк ташуучу "Газель-2705" машинасы менен "Мерседес-Бенц Спринтер" кичиавтобус кагышкан. 21-апрелдин таңында каза болгон үй-бүлөнүн беш мүчөсүнүнү сөөгүн үй-бүлө башчысы Рахимжан Оринбаев туугандары менен биргеликте алып келген.

Жаңылыктар түрмөгү
0