БИШКЕК, 16-апр. — Sputnik. Хакасиядагы бардык үйлөр жана имараттар сентябрга чейин калыбына келтирилиши керек, мен губернаторго тапшырма бердим, деп Россиянын президенти Владимир Путин жарандар жана ЖМК менен болгон түз байланыш учурунда билдирди.
12-апрелдеги катуу шамалдан улам, Хакасияны өрт каптоо коркунучу келип чыккан. Тилсиз жоо 20дан ашык айылды каптап, 5 миңден ашык киши турак-жайсыз калган. Акыркы маалыматтар боюнча жыйырмадан ашык киши каза болгон.
Путиндин айтымында, жабыр тарткандарга 10 миң рублден, үй-бүлө мүчөлөрү каза болгондорго бир миллион рублдан жана үй-мүлкүн жоготкондорго 100 миң рублдан төлөнөрүн билдирди.
"Хакасиядагы бардык үйлөрдү жана имараттарды калыбына келтирүү үчүн 5-6 миллиард рубль керек. Акчалай жардам жакын арада төлөнүшү керек", — деди Путин.
Президент 2015-жылдын сентябрь айына чейин бардык үйлөрдү жана имараттарды калыбына келтирүү үчүн губернаторго тапшырма бергенин кошумчалады.
