БИШКЕК, 16-апр — Sputnik. Кызматтык кылмыштардын айынан 2014-жылы мамлекетке 204 миллион сомдук зыян келтирилген деп башкы прокурор Индира Жолдубаева Жогорку Кеңештин жыйынында билдирди.
Анын айтымында кызматтык кылмыштардын ичинен пара талап кылуу арбыган.
"Кызматтык кылмыштардын ичинен пара талап кылуу фактысы 55 пайызга көбөйгөн. Кызматтык кылмыштар өлкөдөгү жалпы кылмыштуулуктун ичинен болжол менен 0,5 пайызды түзөт. Аталган багытта мамлекетке келтирилген зыян 204 миллион сом болсо, анын ичинен 75,3 миң сому (79 пайызы) прокуратура органдары тарабынан аныкталган. Жалпы суммадан 623 миллион сомдон ашык каражат кайтарылган", — деди Жолдубаева.
Учурда баш прокурор өлкөдөгү 2014-жылда мыйзамдуулуктун абалы жөнүндө парламентке отчёт берип жатат.
