Кыргызстан менен Афганистандын оюну Оштогу учак инцидентинен улам болбой калды

© Sputnik / Александр Вильф / Медиабанкка өтүүКыргызстан менен Афганистандын оюну Оштогу учак инцидентинен улам болбой калды
Кыргызстан менен Афганистандын оюну Оштогу учак инцидентинен улам болбой калды - Sputnik Кыргызстан
Жазылуу
Кыргызстан менен Афганистан курама командаларынын ортосундагы жолдоштук матч болбой калды. Афган футболчулары беттешке Ош аэропортунун учуп-конуу тилкесинен учак чыгып кеткенден кийин келүүдөн баш тартышкан.

БИШКЕК, 31-мар. — Sputnik. Кыргызстан менен Афганистан курама командаларынын ортосундагы жолдоштук матч афган футболчулары келбей койгондуктан болбой калганын Футбол федерациясынын президенти Семетей Султанов билдирди.

Ош: учуп-конуу тилкесинен чыгып кеткен учакта КРдин футбол командасы болгон
Дүйшөмбү күнү Өзгөчө кырдаалдар министрлигинин маалымат кызматы катаал аба ырайынан улам Бишкек – Ош каттамы аркылуу учкан "Эйр Бишкек" авиакомпаниясынын учагы Ош аэропортуна конуп жатканда учуп-конуу тилкесинен чыгып кеткенин маалымдаган. Учактын ичинде Футбол боюнча Кыргызстандын курама командасы болгон. Алар Афганистандын курама командасы менен беттешүү үчүн Ош шаарына келишкен.

Футбол федерациясынын башчысы күйөрмандардан болбой калган беттеш үчүн кечирим сурады. Бул мелдеш Кыргызстандын тарыхында Улуттук курама катышкан биринчи эл аралык матч болмок.

"Биз коноктордун өмүрүн жана ден соолугун коркунучка кириптер кыла албайбыз. Биздин курама команда учуп келген учакта мен жеке өзүм болдум. Эч нерсеге карабастан биз мекендештерге футбол майрамын тартуулагыбыз келген", — дейт Султанов.

Ал ошондой эле, жакын арада Ош шаарынын тургундары Улуттук курама команда катышкан эл аралык матчка күбө боло турганын кошумчалады.

Жаңылыктар түрмөгү
0