БИШКЕК, 26-дек — Sputnik. Кыргызстандын жарандары Жаңы жылдан тарта Россияга ички паспорт (ID-card) жана эл аралык паспорттор менен кире алышат. Бул туурасында КРдин Москвадагы элчилигинен билдиришти.
Бул боюнча РФ ТИМинин нотасы КРдин Москвадагы элчилигине бейшемби күнү, 25-декабрда келип түшкөн.
Кыргызстандын жарандары Россияга 2015-жылдын 1-январынан тарта, паспорттун эки түрү — ички паспорт (ID-card) жана эл аралык паспорттор менен кирип, чыга алышат.
Жашы жете элек балдарды алып кирип же чыгып бара жатканда баланын туулгандыгы тууралуу күбөлүгү жана КРдин жарандыгы экендиги туурасында тастыктамасы болушу зарыл.
Россиянын жарандарынын Кыргызстанга кирип, чыгышы өзгөртүүсүз калды.
