Кабулдун аэропорту 48 саатка жабылды

© AFP / SHAKIB RAHMANIКабул шаарынын аэропортундагы адамдар. Архив
Кабул шаарынын аэропортундагы адамдар. Архив - Sputnik Кыргызстан, 1920, 22.08.2021
Жазылуу
Ошол эле учурда аэрпорттун дарбазасынын алдына өлкөнү таштап кетүүнү каалаган миңдеген адам чогулган.

БИШКЕК, 22-авг. — Sputnik. Афганистандын борбору Кабул шаарындагы аэропорт аймагындагы элди эвакуациялоо үчүн аба майдан 48 саатка жабылат. Бул тууралуу Khaama Press басылмасы кабарлады.

Маалыматка ылайык, ошол эле учурда аэрпорттун дарбазасынын алдына өлкөнү таштап кетүүнү каалаган миңдеген адам чогулган.

Талибдер жакынкы сааттарда кырдаалды жөнгө салып, аба мейкиндигине чыгуу процедурасын жеңилдете турганын билдиришти.

Афганистандагы кырдаал

АКШнын мурдагы президенти Дональд Трамп. Архив - Sputnik Кыргызстан, 1920, 22.08.2021
Трамп америкалык аскерлер Афганистанга кайра кайтышы мүмкүн экенин айтты
Бир нече апта мурда Америка өз аскерлерин чыгарып кете баштаган соң Афганистанда абал кескин курчуган. Талибдер бир катар ири шаарларга кол салып, басып алышкан. Өткөн жекшембиде согушкерлер өлкөнүн бардык чек ара өткөрүү жайларын көзөмөлгө алып, президенттик сарайга киргенин жар салган.

16-августка караган түнү "Талибандын"* өкүлү Мухаммед Наим 20 жылга созулган согуш аяктаганын, жакында мамлекетте жаңы башкаруу формасы киргизилерин билдирди.

Ал арада Панджшер аймагы талибдерге каршылык көрсөткөнү айтылып, вице-президент Амрулла Салех өлкөнүн убактылуу президенти экенин билдиргени айтылды.

"Талибан"* — Кыргызстанда жана башка мамлекеттерде диний-экстремисттик уюм катары тыюу салынган кыймыл болуп саналат.

Жаңылыктар түрмөгү
0