17:04 04 Кулжа 2020
Түз эфир
  • USD73.9200
  • EUR82.8348
  • RUB1.0711
Дүйнөдө
Кыскача шилтеме алуу
Кытайдагы жаңы типтеги коронавирус (756)
499 0 0

Он жылдай каржы министри болуп иштеген Томас Шефер коронавирустун кесепетин кантип жоюуну билбей калган.

БИШКЕК, 30-мар. — Sputnik. Германиянын Гессен штатынын каржы министри жана ХДС партиясынын өкүлү Томас Шефер өз өмүрүнө кол салган. Алдын ала маалыматтар боюнча, министр коронавирустун кесепетинен экономикалык маселени кантип чечишти билбей, санаа тартып ушул жолго барган. Бул тууралуу Business Today басылмасы жазды.

Билдирмеге ылайык, канцлер Ангела Меркелдин христиан-демократиялык союзунун мүчөсү, 54 жаштагы Томас Шефердин сөөгү ишемби күнү Франкфурт шаарынан анча алыс эмес Хоххайме темир жолунан табылган.

Полиция менен прокуратура күбөлөрдү сурап, кырсык болгон жердеги окуяны байкагандан кийин Шефер өз жанын кыйган деген бүтүмгө келген.

Гессен штатынын губернатору Фолькер Буфье Шефердин өлүмүн коронавирус инфекциясы менен байланыштырууда.

"Анын жумушу көп болчу. Калкка каржылык жактан кантип жардам бере алам деп көп ойлончу. Эч кандай жолун таба албагандыктан, ал бизди таштап кетти. Көпчүлүк үчүн, мен үчүн анын мындай өлүмү күтүүсүз болду", — деди Буфье.

DW немец басылмасы да министрдин өлүмүн коронавирустун кесепети менен байланыштырды.

"Болжолдуу иликтөөгө таянсак, Гессен штатынын каржы министри Томас Шефер кризисти кантип жеңишти билбей өз өмүрүнө кол салган", — деп жазылат басылманын Twitter баракчасында.

​Федералдык өкмөт COVID-19 инфекциясы калктын жашоосуна залакасын тийгизбесин деп элге ири жардам пакетин иштеп чыккан.

Шефер Гессен штатында 10 жылдан бери каржы министри болуп иштеп келген.

Тема:
Кытайдагы жаңы типтеги коронавирус (756)

Тема боюнча

Коменданттык саат, бешинчи күн. Тартип бузуп кармалгандардын саны
Ысыкка чыдабайбы? Коронавирус бөтөнчө активдүү болгон температура аталды
Дубайдан келишкен. Коронавирус жуктургандардын экөө – Көк-Жарда жашаган ата-бала
Белгилер:
экономика, өлүм, коронавирус, министр, Германия

ЭҢ МААНИЛҮҮ