15:55 29 Жалган Куран 2020
Түз эфир
  • USD80.2015
  • EUR88.3099
  • RUB1.0318
Дүйнөдө
Кыскача шилтеме алуу
341 0 0

Буга чейин бир катар чет элдик ЖМКлар Голливуд жылдызы кечелердин бирине баргандан кийин вирусту жуктуруп алып, карантинге алынганын жазып чыгышкан.

БИШКЕК, 27-фев. — Sputnik. Белгилүү актер жана режиссер Жеки Чан коронавирус жуктурду деген шек менен карантинге алынганы туурасындагы маалымат калп болуп чыкты.

Кечээ күнү бир катар чет элдик ЖМКлар Голливуд жылдызы кечелердин бирине баргандан кийин вирусту жуктуруп алып, карантинге алынганын жазып чыгышкан.

Кийинчерээк ошол эле кечеге барган коноктордун бири, 48 жаштагы полиция офицеринен COVID-19 вирусу аныкталган. Мындан улам полиция кызматкери менен байланышта болгон 59 адам карантинге жөнөтүлгөн.

Чет элдик ЖМКлар бул жаңылыкты Sputnik Испания агенттигине шилтеме берип жазышты. Бирок агенттиктин жаңылыгында "Жеки Чан ооруп калды деген маалымат чындыкка дал келбейт" деп жазылган.

"Эң күлкүлүүсү — актер ал кечеге барган дагы эмес. Чан алар менен кошо майрамдаганын айткан кишинин видеосу фейк болуп чыкты. Аныгында актер башка кечеде болгон", — деп айтылат Sputnik Испаниянын маалыматында.

8Days порталынын журналисттери дагы иликтөө жүргүзүп, натыйжада вируска кабылган полиция кызматкери менен Жеки Чан эки бөлөк кечеде болгонун аныктаган.

Андагы маалыматка караганда, полициянын офицери Гонконгдун батыш бөлүгүндөгү ресторанда болсо, Жеки Чан достору менен Yau Yat Chuen Garden City клубунда эс алган. Эки жайдын аралыгы жарым сааттык жол.

Тема боюнча

Миллион юань берем! Жеки Чан коронавируска каршы дары тапкан кишини сыйлайт
Белгилер:
коронавирус, Жеки Чан, Гонконг

ЭҢ МААНИЛҮҮ