БИШКЕК, 26-дек. — Sputnik. Сахалиндеги Шахтерск шаарчасында борошодон улам кемпир балкондон учуп түшкөн. Бул туурасында РИА Новости жазды.
"Жетимиш жаштагы кемпир балконго чыга калып, катуу шамалга кабылып, учуп түшкөн. Жаркат алыптыр, азыр ооруканада", — деп билдиришкен дарыгерлер.
Жергиликтүү жалпыга маалымдоо каражаттары балконго тамеки чегем деп чыккан кемпирди борошо учуруп кеткендигин жазган. Улгайган кемпир күрткүгө учуп түшүп, аман-эсен калган. Чакырган Тез жардам аба ырайынын шартынан улам келе албай, акыры аны карда жүрө алган жүктөгүчтүн сузгусуна салып жеткиришкен.
Күчтүү циклондун айынан Сахалинде эки аптадан бери алай-дүлөй, ылдамдыгы саатына 40 метрге жеткен шамал болуп, кар уюлгуп учуп, суук күчүндө турат. Паромдордун иши токтоп, аэропортто каттамдар үзгүлтүккө учурап жатат. Имараттардын чатырын жулган шамал балатыларды да жыгып кеткен.
