07:46 17 Аяк оона 2019
Түз эфир
  • USD69.8099
  • EUR77.2028
  • RUB1.0937
Жаш бала. Архивдик сүрөт

ЮНИСЕФ: дүйнөдө ар бир 7 мүнөт сайын зомбулуктан бир өспүрүм көз жумат

© Sputnik / Валерий Мельников
Дүйнөдө
Кыскача шилтеме алуу
286 0 0

2015-жылы зомбулуктан дүйнө жүзү боюнче 82 миң бала каза тапкан

БИШКЕК, 1-ноя. — Sputnik. Дүйнөдө ар бир жети мүнөт сайын зомбулуктан бир өспүрүм каза табат. Бул тууралуу Кыргызстандагы ЮНИСЕФ өкүлчүлүгүнөн билдиришти.

Бул маалымат БУУнун Балдар фондусунун "Тааныш жүз: балдардын жана өспүрүмдөрдүн жашоосундагы зомбулук" аттуу отчетунда жазылган.

"Дүйнөдө ар бир жети мүнөт сайын бир өспүрүм зомбулуктан көз жумат. Балдарды жаакка чабышат, сексуалдык иш-аракеттерге, никеге турууга мажбурлашат, сатышат, өлтүрүп да коюшат. Ал эми Кыргызстан тууралуу айта турган болсок, балдар үйлөрүнүн жарымынан көбү, тагыраагы 57 пайыз тарбиялануучулар ур-тепкиге алынат", — деп айтылат билдирүүдө.

Ал эми дүйнө жүзү боюнча экиден төрт жашка чейинки курактагы 300 миллион бала үйүндөгүлөр тарабынан зордук-зомбулук көрүшөт.

Үй-бүлөдө кордолгондор жана балдарга ташбоор мамиленин күбөлөрү Эмгек жана өнүктүрүү министрлигине караштуу 111 ишеним телефонуна кайрылса болот.

Ошондой эле Бишкек, Талас, Каракол шаарларында жана Түп айылында зордук-зомбулуктан жабыр тарткан балдар үчүн жардам борборлору иштей турганы айтылды.

Маалымат иретинде айтсак, 2015-жылы зомбулуктан дүйнөдө 82 миң өспүрүм көз жумган.

Тема боюнча

Эмирканова: көбүнчө кыздарыбыз сексуалдык зомбулукка кабылышат
Бишкекте балдарга карата зомбулукту токтотууга чакырган форум-театры өтөт
Белгилер:
отчет, зордук-зомбулук, өспүрүм, ЮНИСЕФ, Кыргызстан

ЭҢ МААНИЛҮҮ