БИШКЕК, 16-апр. — Sputnik. "Россия сулуусу — 2017" сынагынын жеңүүчүсү деп Свердлов облусунун тургуну Полина Попова аныкталганы тууралуу конкурстун расмий сайтында жарыяланды.
"Жеңүүчү наамына ээ болуп, баасы миллион доллар турган таажыны Полина Попова кийди", — деп айтылат билдирүүдө.
Ошондой эле жеңүүчүгө үч миллион рубль менен толуктанган эсеп картасы жана унаа белек кылынды.
Бул жеңиш Паповага эл аралык "Дүйнө сулуусу" жана "Аалам сулуусу" сынактарына жолдомо болуп берет. Россия сулуусу моделдик бизнесте жүрүп, дүйнөнүн биртоп өлкөлөрүн кыдырып жүргөнүн анын Instagram баракчасынан эле байкаса болот.
Ал эми биринчи вице-мисс наамы москвалык Ксения Александровага ыйгарылды. Үчүнчү орунду башкортостандык Альбина Ахтямова алды.
Сыйлык катары бул сулуулар өлкөнүн каалаган жогорку окуу жайында билим алууга грант алышты.
