17:13 17 Чын Куран 2021
Түз эфир
  • USD84.8000
  • EUR101.5734
  • RUB1.1224
Видео

Эне мышык ооруган балдарын дарыгерлерге өзү алып келген видео

Кыскача шилтеме алуу
0 0
© YouTube / ÜLKE TV

Медайымдардын биринин айтымында, мышык бир топко чейин мыёолоп, дарыгерлерден жардам сураган. Карай келгенде балдарынын инфекциядан улам көзүн ача албай калганын көрүшкөн.

Адамды таңгалдырып, бир жагынан суктанткан окуя Измирдеги (Түркия) клиникалардын биринде болгонун National Geographic жазды. Госпиталдын кызматкерлери аларга талаалап жүргөн мышык эки мыймыйын кантип көтөрүп келгенин видеого тартып алышкан.

"Эртең менен ноокастарды кабыл ала баштаганда ал балдарын тиштеп көтөрүп келди. Көпкө чейин мыёолоп турду. Эненин мындай аракети бизди абдан таң калтырды. Карасак, мыймыйлардын көзү инфекциядан улам ачылбай калыптыр. Ветеринарлар менен кеңешип, дары тамчылаттык. Мышыктын балдары көзүн ачканын көргөндө өзүбүз да абдан кубандык", — деп айтып берген медайымдардын бири.

Медиктердин айтымына караганда, ал мышыкты мурда деле көрүп, бирок жакында эле тууганына маани беришкен эмес. Алар эне менен балдарын мэриянын ветеринар бөлүмүнө өткөрүшүп, эми жаңы кожоюн караштырып жаткандыктарын кошумчалашкан.

Тема боюнча

Баланын коопсуздугун колу менен коргогон мышык. Ич жылыткан видео
Белгилер:
мышык, Измир, Түркия

Дагы видео

ЭҢ МААНИЛҮҮ