21:17 21 Баш оона 2019
Түз эфир
  • USD69.8160
  • EUR77.4818
  • RUB1.0536
Видео

Орун басарымдын ишин мурда эле билгем. Калиловдун капыл-тапыл маеги видеодо

Кыскача шилтеме алуу
Эламан Карымшаков
Азимкан Жусубалиевдин кармалышы (22)
6394 0 0
© Sputnik / Эламан Карымшаков

Sputnik Кыргызстан агенттигинин кабарчысы транспорт жана жолдор министри Жамшитбек Калиловдон 520 миң доллар пара менен кармалган орун басары Азимкан Жусубалиев тууралуу комментарий алууга барды.

Ал Жогорку Кеңештин Эл аралык иштер, коргоо жана коопсуздук боюнча комитетинин отурумуна катышып жаткан экен. Ал жыйындан чыкканда берген суроолорго жооп бербей басып кетти. Анын себебин Транспорт, коммуникациялар, архитектура жана курулуш боюнча комитеттин отурумуна шашып баратканы менен түшүндүрдү.

Кабарчы Калиловдон орун басарынын ишинен кийин моралдык жоопкерчилигин жана бул иштен кийин кызматта отурушу канчалык орундуу экенин суроого аракет кылган.

"Кызматта отурушумду орундуу деп эсептейм. Анткени мен бул кызматка жоопкерчиликтин баарын алам деп келгенмин. Ооба, орун басарымдын кылган жумушунун алкагында моралдык жоопкерчилик бар. Бул иш бизге жаңылык эмес. Бизде мурда бул боюнча маалыматтар бар эле, бирок факты жок болчу. Транспорт министрлиги да коррупция менен күрөшүп, өзүбүздүн саясатыбызды жүргүзүп жатабыз", — деди министр.

Калилов орун басарынын коррупциялык иши тууралуу буга чейин билгенин айтып жатат. Бирок ал кармалган күнү "эмне болгонун мен деле билбейм, айран-таң болуп отурабыз" деп комментарий берген болчу

Белгилей кетсек, Калилов 2017-жылга карата киреше булагы жана мүлкү боюнча тапшырган декларациясында унаасы жок экенин көрсөткөн. Андыктан экинчи суроо ушул боюнча болду.

"Мурда бир нече машинам болгон. Кызматтык машина менен жүргөндөн кийин жеке унаага муктаждык болбой сатып жибергем. Азыр кызматтык машина менен жүрөм. Үйдө, дем алыш күндөрү баламдын жана келинчегимдин машинасын пайдаланам", — деп министр каяккадыр шашып жөнөп кетти.

Деген менен ал 2017-жылдагы декларациясында жакын туугандарынын унаасы бар экенин көрсөткөн эмес. Бул келинчегинин да, баласынын да жеке унаасы жок дегенди түшүндүрөт эмеспи. 

Декларация о доходах министра транспорта и дорог Жамшитбека Калилова
© ГНС
Жамшитбек Калилов 2017-жылга карата тапшырган декларациясында өзүнүн да, жакын туугандарынын да менчик унаасы жок экенин көрсөткөн

Эскерте кетсек, транспорт жана жолдор министринин орун басары Азимкан Жусубалиев жол куруу боюнча өткөрүлгөн тендерде чет элдик компаниянын кызыкчылыгын коргоо үчүн 520 миң доллар пара алууга макулдашкан. Акчанын 50 миң долларын алып жатканда аны УКМКнын Коррупцияга каршы күрөшүү кызматы колго түшүргөн. Аткаминер андан мурдараак 120 миң долларын алган, калганы кийинки жумада колуна тиймек.

Тема:
Азимкан Жусубалиевдин кармалышы (22)

Тема боюнча

Жээнбеков: чөнтөгүн кампайтууну каалаган мамлекеттик кызматкерлерди уяткаруу керек
Миллиондогон акча чыкты! Зилалиевдин үй-жайын тинткендеги видео
Транспорт министри Калилов кармалган орун басары тууралуу үн катты
Министрдин орун басары кайсы тендер үчүн пара алган? Чоо-жайы
Белгилер:
кызмат, жыйын, декларация, Транспорт жана коммуникациялар министрлиги, Азимкан Жусубалиев, Жамшитбек Калилов

Дагы видео

ЭҢ МААНИЛҮҮ