ЖК депутатын ташыган машинанын айдоочусу Sputnik журналистин жакалаган видеосу

Жазылуу
Бишкек ШИИБ ЖКККБнын инспекторлору шаардын ортосунан терезеси караңгылатылган жол тандабасты токтотту. Айдоочунун аракети күбөлөрдү таң калтырды.

Окуя 20-сентябрда Чүй менен Эркиндик проспектилеринин кесилишинде болгон. Айдоочунун аракетине айран таң калган күбөлөр Sputnik Кыргызстан агенттигинин журналистин чакырышкан. Агенттиктин кеңсеси окуя болгон жерге жакын жайгашкан. Жерине келген журналист телефонуна тартып баштаганда, айдоочу ага атырылып, жакалап телефонду алууга аракет кылган. Бул учурда айдоочу журналистти коркутуп, сөккөн. Алардын жаңжалына инспекторлор кийлигишип, араң ажыратып калышкан. Бирок бул учурда токтотулган жол тандабастын ичинен жүргүнчүсү чыгып, журналистке тап берип, атырылган. Бул жолу да милиция кызматкерлери аны токтотуп калган.

ЖКнын алдында жалаң Жиптер го! Депутаттардын автоунааларынын баасы канча? Видео - Sputnik Кыргызстан
ЖКнын алдында жалаң Жиптер го! Депутаттардын автоунааларынын баасы канча? Видео
Көзүнө эч нерсени илбеген Lexus 570 үлгүсүндөгү автоунаанын айдоочусунун аракети инспекторлордун камерасына да тартылып калган. Анда кара футболка менен кепке кийген киши инспекторлордун жанына келип, андан кийин Sputnik агенттигинин журналистине атырылып, уюлдук телефонун тартып алганын көрүүгө болот. Бирок милиция кызматкерлери телефонду журналистке кайтарып беришкен.

Жыйынтыгында инспекторлор протокол түзүп, мамлекеттик номери 02KG 570 AAA болгон Lexus 570 автоунаасын айып короого токтоткон.

Эске салсак, ушул эле автоунаа менен Жогорку Кеңештин депутаты Тазабек Икрамов жүрөрү бышык. Буга чейин Sputnik Кыргызстан агенттиги кайсы эл өкүлү кандай автоунаа менен ишке келет деген видеодо депутат Икрамов дал ушул автоунаадан түшкөн. Анын айдоочусу бүгүн, 20-сентябрда журналистке кол көтөргөн кишиге абдан окшош экенин баамдаса болот.

Депутаттын өзү менен байланышып, айдоочусу катышкан окуя тууралуу пикир алууга мүмкүн болгон жок.

Жаңылыктар түрмөгү
0