Ата, күмүш болсо да алтындай кабыл алыңыз! Акжол Махмудовдун видеосу

Жазылуу
Азия оюндарынан күмүш медаль тагынган балбан Акжол Махмудов өткөргөн беттештери тууралуу айтып берди. Спортчу менен Жаштар иши, дене тарбия жана спорт агенттигинин маалымат катчысы баарлашкан.

Махмудов финалда кез келген атаандашы чынында күчтүү болгонун белгилеп, мында кетирген каталарды кийинкисинде оңдой турганын билдирди.

"Финалдык беттеш мен ойлогондой жүрбөй койду. Кара күч жактан бир аз алсыз болуп калдым. Өзүмдүн каталарымды көрдүм, барганда ошолорду оңдойм. Эмки беттеште ушул ирандык балбан менен кезиксем утам деген ниетим бар. Мында салмагым да бир аз жетпей 75-76 килограмм менен чыктым. Бул да таасир берет экен. Мени колдогон кыргыз элимдин ишеничин актоо үчүн бар күчүмдү жумшап алтын утайын деген үмүтүм бар болчу. Тилекке каршы болбой калды. Биринчи кезекте атама кайрылып кетмекчимин. Ата, ушул медаль күмүш болсо дагы алтындай кабыл алыңыз", — деди Махмудов.

Айсулуу Тыныбекова Азиадада алтынга жетпей калышынын себебин түшүндүрдү. Видео - Sputnik Кыргызстан
Айсулуу Тыныбекова Азиадада алтынга жетпей калышынын себебин түшүндүрдү. Видео
Ошондой эле машыктыруучулук штабга ыраазычылыгын айтып, ага бардык шарттар түзүлгөнүн кошумчалады.

Акжол Махмудов биринчи айлампада Олимпиада чемпиону, кореялык Ким Хен У аттуу спортчуну 7:3 эсебинде утуп алган. Андан соң өзбекстандык Билан Нальгиев менен кыл чайнашкан беттеш өткөрүп 6:4 эсебинде жеңген. Ал эми жарым финалда түркмөнстандык Шермет Перманов менен кез келип, бир жарым мүнөттүн ичинде жеңишти камсыздады. Финалдык беттеште ирандык Мохаммадали Гераи менен кез келип 7:3 эсебинде жеңилүү ызасын тартты.

Жаңылыктар түрмөгү
0