БИШКЕК, 22-авг. — Sputnik. Азия оюндарында кыргызстандык балбан Акжол Махмудов өзбекстандык Билан Нальгиевди утуп жарым финалга чыкты.
21 Баш оона 2018, 14:24
Кыргызстандык балбан чейрек финалда кыл чайнашкан беттеш өткөрүп акыркы секунддарда жеңишти камсыздай алды. Адаттагыдай эле көтөрүп чабуу ыкмасын жасап, бирок айрымдары ийгиликсиз болуп калып жатты. Оюндун бүтүшүнө бир мүнөт калганда эсеп саны 3:3 болуп турган. Бирок өзбек балбаны Акжолду килемден түртүп чыгарып бир упай алды. Кыргызстандык балбан ага жооп иретинде катуу чабуул жасоого жетишти. Жыйынтыгында 6:4 эсеби менен жеңишке жетти.
Биринчи айлампада Махмудов Олимпиада чемпиону, кориялык Ким Хен У аттуу спортчуну 7:3 эсебинде утуп алган.
Акжол Махмудов 19 жашта. Азиянын кадеттер арасындагы үч жолку чемпиону. Бишкекте өткөн Азия чемпионатында алтын медаль уткан. Мындан сырткары дүйнө биринчилигинин күмүш, эл аралык турнирлерден алтын байсинин ээси.
