01:05 22 Жетинин айы 2019
Түз эфир
  • USD69.8500
  • EUR77.4357
  • RUB1.0941
Видео

Албек Ибраимовдун энеси уулун камактан чыгарууну суранды. Видео

Кыскача шилтеме алуу
Албек Ибраимовго козголгон кылмыш иши (16)
1398 0 0
© Sputnik / Нурис Алымбаев

Албек Ибраимов соттун чечими менен 29-августка чейин камакта калды.

Бишкектин экс-мэри Албек Ибраимовдун апасы Бүажар Алиева уулун 29-августка чейин камакта калтыруу чечимин караган Жогорку соттун жыйынына катышты. Сот биринчи инстанциянын өкүмүн күчүндө калтырды.

Алиева көзүнө жаш алып баласын камактан чыгарууну суранды.

"Суракка үйдөн деле келип турса болот да. Сөзсүз эле ушул жакта жатышы керекпи? Элден да суранам, бошотсун. Балам жакшы иштеди, жаман эч нерсе жасаган жок. Эл үчүн иштеди", — деди Ибраимовдун апасы.

Экс-мэр УКМК тарабынан 19-июлда кармалып, андан кийин тергөө абагына киргизилген.

Биринчисинде экс-мэрге "ТНК Дастан" ААКсынын буюм сатып алууда жогорулатылган бааны көрсөтүү менен менчиктештирилген каражаттары боюнча Кылмыш жаза кодексинин 171-беренесинин (ишенип берилген мүлктү ыйгарып алуу же төлөмөр болуу) негизинде кылмыш иши козголгон.

Экинчисинде "Солнечный берег" пансионатын сатууда "ТНК Дастан" ААКсы 152 миллион сом чыгым тартканы аныкталган. Бул акчаны Ибраимов өзүнө ыйгарып алган деп шектелүүдө.

Үчүнчү иш борбор калаадагы жер тилкелерин бөлүштүрүүдөгү коррупция фактысы боюнча козголгон. УКМКнын маалыматы боюнча мэр болуп турган Ибраимов жеке тараптарга жер берүү боюнча коррупциялык схема түзгөн.

Төртүнчү иш "Коррупция" беренеси боюнча козголгон. Ибраимов Бишкектин түштүк тарабындагы жер тилкелерин муниципалдык менчиктен чыгарып сатуу боюнча схема түзгөн деп айыпталууда.

Тема:
Албек Ибраимовго козголгон кылмыш иши (16)

Тема боюнча

Жогорку сот Албек Ибраимовду камакта калтырды
Миллиардерден милиционерге чейин. Бишкек мэрлери бул кызматка чейин ким болгон
Шаардык сот Албек Ибраимовду камакта калтырды
Белгилер:
өкүм, сот, Албек Ибраимов

Дагы видео

ЭҢ МААНИЛҮҮ