11:49 24 Тогуздун айы 2019
Түз эфир
  • USD69.8230
  • EUR77.6292
  • RUB1.0944
Видео

Боор оорусу менен алышкан Рысалиева: аппаратты алып салсам жашай албайм

Кыскача шилтеме алуу
2231 0 0
© Sputnik / Эмиль Садыров

47 жаштагы Чолпон Рысалиева мындан төрт жыл мурун боордун альвеококкоз оорусуна чалдыгып, азыр баштыкка салынган атайын аппарат менен гана жүрө алат. Анысы басса-турса жанында.

Төрт жылдан бери ооруканалап жүргөнүн айткан Чолпон айым азыр бул аппаратсыз (баштык) жашай албайт. Себеби дарыгерлер оору циррозго айланып, өлүмгө алып келерин айтышкан.

"Кайдан жүрүп бул ооруга чалдыкканымды азыркыга чейин түшүнбөйм. Себеби альвеококкоз эхинококкоздун бир түрү болуп, ит, мышыктардан жугат экен. Биз болсо айылда эмес, шаарда эле турчубуз. 9 жыл бала багып иштедим. Анан кайдан жүрүп ооруп калганымды билбейм, Кудайдын буйругу да… Башында дарыгерлер ооруга диагноз кое алышпай "адам болбойсуң" деп коюшкан. Бирок бир туугандарымдын жардамы менен ар кайсы УЗИге түшүп жатып, акыры Мохов деген дарыгер оорумду туура аныктап берди. 2014-жылы операция жасаттым. Бирок курт боор менен өттүн ортосунда жайгашып калгандыктан боорумдун 75 пайызын, анан өтүмдү да алып салышты. Андан соң боордогу сары сууну тазалап турган бул аппаратты коюшту. Аппарат койдурбай койсом боорго суу толуп циррозго айланып кетет экен", — деди Рысалиева.

Аппаратын Чолпон айым 7-8 айда бир алмаштырып турат. Бирөөнүн баасы 7000-9000 сомдун айланасында. Мындан тышкары, керектүү дары-дармек алып турат. Бирок өзү иштебегендиктен бардык каражат 23 жаштагы баласынын мойнунда экен.

"Дары-дармегимди бүт эле балам алып берет. Эптеп мени багып жаткан да ошо. Өзү курулуш тармагында майда-чүйдө иш кылат. Туугандарым кийимдерди келип жууп, үйлөрдү жыйнап кетишет. Мен үйдөн кыйратып эч нерсе деле кыла албайм, бат эле шайым кетип жатып калам. Дарыгерлер болсо "аппаратты алам десең боорду алмаштыр" дейт. Анысы Индияда 35 миң доллар турат деп уктум. Бул акчаны кайдан тапмак элек. Аппарат менен жүрө берейин десем да болбойт. Абдан оорутат, айрыкча оң капталым. Кудайдын буйругу болуп эле айыгып кетпесем… жакшылыктан үмүт кылып жашап жатам", — деди Чолпон айым.

Чолпон Рысалиеванын жолдошу жок, операциядан кийин экөө эки жолго түшүптүр. Кызы былтыр турмушка чыгып өзү менен өзү болуп кеткенин айтып, бардык үмүтү баласында экенин кошумчалады.

Тема боюнча

Гемодиализдеги балдар, "бөйрөгүмдү берем" деп карайлаган ата-эне...
Шал болуп ооруган бөбөктүн апасы Ширин: балам баспаса да мойнун токтотуп калса экен
Жашоо үчүн күрөш: 17 ирет операция жасалган кыз кантип акча таба баштады
Белгилер:
боор, оору, Кыргызстан

Дагы видео

ЭҢ МААНИЛҮҮ