Атамбаев Ош шаарындагы көпүрөнүн ачылышына катышып, элди ынтымакка чакырды

Жазылуу
Президент Алмазбек Атамбаев бүгүн, 28-октябрда Ош шаарынын Навои көчөсүндө жайгашкан эстакадалык көпүрөнүн ачылыш салтанатына катышты.

Мамлекет башчысы Ош шаарынын тургундарын жаңы көпүрөнүн ачылышы менен куттуктап, бул окуя жакшы жышаан экендигин белгиледи.

"Ош шаарында эстакадалык көпүрөнүн ачылышы — маанилүү окуя. Адамдардын ортосундагы мамилелерди көпүрөнүн курулушу менен салыштырсак болот. Ошондуктан Кыргызстандын көп улуттуу элинин биримдиги үчүн ар бир жаран өзүнчө "көпүрө" болуп, тегерегине адамдарды бириктирип, сабырдуу, толеранттуу булушу керек", — деди Атамбаев.

Оштогу жаңы ачылып жаткан көпүрө туурасындагы он беш факты
Президент эстакадалык көпүрөнүн курулушу мурдагы жетекчилик тарабынан тиешелүү эсептөөлөрсүз, долбоору жана финансылык ресурстары жок туруп башталгандыгын эске салды. Көпүрөнүн курулушуна Ош шаарына жана Ош облусуна жардам катары бөлүнгөн россиялык гранттын каражаттары тартылганын белгиледи.

Көпүрөнүн курулуш иштерине Россиянын гранттык каражаттарынан 667 миллион сом бөлүнгөн. Көпүрөнүн узундугу 265 метр, автомобиль кыймылы төрт тилке менен жүргүзүлөт.

Жаңылыктар түрмөгү
0