13:42 28 Жетинин айы 2021
Түз эфир
  • USD84.7747
  • EUR95.3546
  • RUB1.1215
Спорт
Кыскача шилтеме алуу
Норвегиядагы күрөш боюнча Дүйнө чемпионаты (52)
3466 0 0

Кыз-келиндер күрөшү бүгүн башталды. Анда 55 жана 62 килограмм салмактагы спортчу кыздар таймашып жатышат.

БИШКЕК, 4-окт. — Sputnik. Кыргызстандын балбан кызы Айсулуу Тыныбекова дүйнө чемпионатындагы алгачкы беттешин утту. Мелдештин жүрүшүн Бириккен күрөш дүйнөсү (United World Wrestling) уюмунун расмий сайты түз көрсөтүүдө.

Тыныбекова турнирдин 1/8 финалынан тарта күрөшүп, алгачкы беттешинде япониялык Ноноко Озаки менен кез келип, айыгышкан кармашуудан соң 6:4 эсебинде жеңишке жетти.

Беттештин биринчи бөлүгү Айсулуу үчүн ийгиликсиз болду. Атаандашы эки ирет артына өтүп, төрт упай алууга жетишти. Натыйжада 4:0 эсеби менен япониялык балбан артыкчылык кылды.

Бирок экинчи бөлүктө кыргызстандык балбан күчтөнүп удаа-удаасы менен чабуул жасады. Бирде каршылашынын артына өтүп, бирде тегерек чийинден сүрүп чыгып алты упай алып койду.

Тыныбекова чейрек финалда Мерве Карадеңиз (Түркия) менен Вероника Иванова (BLR) жубунун жеңүүчүсү менен кез келет.

Норвегиянын Осло шаарында Спорттук күрөштүн (грек-рим, эркин жана кыздар күрөшү) түрлөрү боюнча дүйнө чемпионаты 2-октябрда эркин күрөш балбандарынын мелдеши менен башталган. Бүгүн кыз-келиндер бөлүгүндө 55 жана 62 килограмм салмактагы спортчулар килемге чыгышат. Турнир 10-октябрда грек-рим күрөшүнүн балбандарынын таймашы менен жыйынтыкталат.

Тема:
Норвегиядагы күрөш боюнча Дүйнө чемпионаты (52)

Тема боюнча

Айсулуу Тыныбекованын алгачкы атаандашы белгилүү болду
Атаандашын ургулап, башынан сылап... "Тайсондун" Алматыдагы жеңиши видеодо
Күрөш боюнча дүйнө чемпионаты башталды. Кыргызстандан 15 балбан катышат
Белгилер:
күрөш, Айсулуу Тыныбекова, дүйнө чемпионаты

ЭҢ МААНИЛҮҮ