БИШКЕК, 8-ноя. — Sputnik. Таластын "Ынтымак" командасы 2020-жылдагы көк бөрү боюнча президенттин кубогуна арналган мелдештин жогорку лигасында чемпион болду.
Финалда алар Оштун "Достук" командасын 9:2 эсебинде утуп алды. Беттештин жүрүшүн Sputnik Кыргызстан агенттиги түз эфирден чагылдырды.
Баш байгеге 500 миң, экинчи орунга 250 миң, үчүнчү орунга 120 миң сом ыйгарылды.
Кечээ, 7-ноябрда, жогорку лиганын коло байгесине "Сары-Өзөн" командасы ээ болгон. Ал эми биринчи лиганын баш байгесин "Мурас", экинчи орунду "Ала-Тоо", үчүнчү орунду "Келечек" командасы ээледи.
Чолпон-Атада эр эңиш оюну аяктады. Жеңүүчүлөрдүн тизмеси жана сүрөттөрү
Белгилей кетсек, Чолпон-Ата шаарынын ат майданында өлкөнүн Эгемендүүлүк күнүнө арналган көк бөрү боюнча КР президентинин кубогу мелдеши жана ат оюндары өттү.
Мелдештер 3-ноябрдан 8-ноябрга чейин уланды. Жогорку лигада алты, ал эми биринчи лигада 12 команда ойногон.
Аталган мелдештин жогорку лигасында өткөн жылы Оштун "Достук" командасы чемпион болгон.
