Ошто көк бөрү боюнча өлкө чемпионаты башталды. Атаандаштардын тизмеси

© Sputnik / Табылды КадырбековТурнир по кок-бору по случаю празднования Нооруза в Бишкеке
Турнир по кок-бору по случаю празднования Нооруза в Бишкеке - Sputnik Кыргызстан
Жазылуу
Мелдеш Ош облустук "Төлөйкөн" ат майданында өткөрүлөт.

БИШКЕК, 29-окт. — Sputnik. Жаштар иши, дене тарбия жана спорт агенттиги көк бөрү боюнча Кыргызстандын чемпионатында күч сынашчу командалардын чучукулак кармагандан кийинки жыйынтыгын жарыялады.

Чемпионат бүгүн, 29-октябрда, Ош облустук "Төлөйкөн" ат майданында башталат. Мелдешке өлкөнүн жети дубаны жана Бишкек менен Ош шаарларынан куралган тогуз команда катышат. Алар баштапкы этаптарда үч топко бөлүнүп күч сынашат.

А тобунда:

— Чүй облусу;
— Бишкек;
— Ош шаары.

В тобунда:

— Ош облусу;
— Жалал-Абад облусу;
— Нарын облусу.

С тобунда:

— Талас облусу;
— Баткен облусу;
— Исык-Көл облусу.

Бүгүн оюн таласына чыга турчу командалардын убактысы:

10.00–11.30 — Чүй облусу менен Бишкек шаары;
11.30–13.00 — Ош менен Жалал-Абад облустары;
13.00–14.40 — Талас менен Баткен облустары.

Оюндарынын финалдык бөлүгү 3-ноябрь күнү болот. Байге фондусу — эки миллион сом. Баш байге ээсине 500 миң сом ыйгарылат.

Өлкө чемпионаты быйыл залкар жазуучу Чыңгыз Айтматовдун 90 жылдыгына карата өтүп жатат. Мындан сырткары, жамбы атуу ат чабыш, кыз куумай, жорго салыш оюндары боюнча мелдеш уюштурулат.

Жаңылыктар түрмөгү
0