БИШКЕК, 7-сен. — Sputnik. Sputnik Кыргызстан маалымат агенттиги жана радиосу Көчмөндөрдүн дүйнөлүк III оюндарындагы көк бөрү боюнча таймаштын финалын түз алып берет. Оюн бүгүн, 7-сентябрда, саат 18.00дө башталат. Ага чейин үчүнчү орун үчүн Казакстан менен Москванын командасы беттешет. Түз алып берүү саат 16.00дө башталып, sputnik.kg жана ru.sputnik.kg сайттарынан көрсөтүлөт.
Sputnik Кыргызстандын редакциясы Улуттук телерадиокорпорациянын эфирин оюнду калктын калың катмарына жеткириш үчүн алардын уруксаты менен алып берет.
