19:34 26 Бугу 2018
Түз эфир
Балбан Айсулуу Тыныбекованын архивдик сүрөтү

Айсулуу Тыныбекова Азия чемпионатына катышпайт. Себебин машыктыруучусу түшүндүрдү

© AFP 2018 / JACK GUEZ
Спорт
Кыскача шилтеме алуу
Күрөш боюнча Азия чемпионаты-2018 (39)
388820

Машыктыруучу Нурбек Изабековдун айтымында, Тыныбекова былтыр Польшада өткөн "Ziolkowski, Pytlasinski & Poland Open" эл аралык турниринде америкалык балбан менен күрөшүп жатып, ийинин оорутуп алган.

БИШКЕК, 15-фев. — Sputnik. Бишкекте өтө турчу Азия чемпионатына Айсулуу Тыныбекова катыша албайт. Бул тууралуу спортчунун машыктыруучусу Нурбек Изабеков билдирди.

Анын айтымында, Тыныбекова ден соолугуна байланыштуу мелдешке чыкпайт, бирок машыктыруучулук штабга жардам берет.

"Бизде жашыра турчу деле нерсе жок. Былтыр Айсулуу Польшада өткөн "Ziolkowski, Pytlasinski & Poland Open" эл аралык турниринин финалында америкалык балбан Элен Марулис менен күрөшүп жатып, ийинин оорутуп алган. Жыйынтыгында күмүш медаль тагынды. Андан кийин Парижде болгон Дүйнө биринчилигинде коло байгеге ээ болду. Ашхабадда өткөн Азия оюндарында да ийини ооруксунтуп, күмүш медаль тагынып калды. Анан Германияга барып эки айдай дарыланып келдик. Учурда абалы жакшы, машыгуусун калыптагыдай эле өткөрүп жатат. Бирок табына келиш үчүн дагы убакыт керек. Ошол себептен Азия чемпионатына катыша албайт. Мелдешке чыга турчу кыздарга машыктыруучу катары жардам берет", — деди Изабеков.

Ошондой эле машыктыруучу Тыныбекова быйыл август айында өтө турчу Азия оюндарына катыша тургандыгын кошумчалады.

"Алдыда бизди төрт жылда бир өтө турчу маанилүү беттеш күтүп турат. Азыр Бүткүл дүйнөлүк күрөш уюму тарабынан салмак категориясына өзгөртүүлөр киргизилди. Буга ылайык Айсулуу жаңы салмак түрү менен, башкача айтканд,а 57 же 62 категориясында күч сынашышы мүмкүн. Буга чейин 58 килограмм ченинде килемге бетине чыгып келген", — деди Изабеков.

Күрөш боюнча Азия чемпионаты 27-февралдан 4-мартка чейин Бишкекте өтөт. Кыз-келиндер арасындагы эркин күрөштүн программасы 1-2 мартка белгиленген. Мелдеште өлкө намысын беш балбан кыз коргойт. Алар: Саяна Байызова, Мадина Надирова, Нураида Анаркулова, Мээрим Жуманазарова жана Айпери Медет кызы.

Айсулуу Тыныбекова буга чейин Азия биринчилигин эки жолу багындырып, эки ирет күмүш жана бир коло медаль тагынган.

Күрөш боюнча Азия чемпионатынан кийин грэпплинг боюнча дагы ири мелдеш өтөт.

Тема:
Күрөш боюнча Азия чемпионаты-2018 (39)

Тема боюнча

Обон созгон, бажы кызматын аркалаган кикбоксчу Кумар Жалиев тууралуу 8 факты
Олимпиадада кыргыз туусун көтөрүп чыкчу Тариэл Жаркымбаев тууралуу 6 факты
Иззат Артыковду таптаган чыгаан устат Үсөнкан Майназаров тууралуу 7 факты
ТОП-15. Килем үстүнөн жолугабыз! Учурдун болуп-толуп турган балбандары ким?
Белгилер:
күрөш, ден соолук, Спорт, Нурбек Изабеков, Айсулуу Тыныбекова
Колдонуу эрежелериПикирлер

ЭҢ МААНИЛҮҮ