БИШКЕК, 22-авг. — Sputnik. Астанада өтүп жаткан көк бөрү боюнча дүйнө биринчилигинде Кыргызстан улакчылары Өзбекстандын командасын утуп алды.
22 Баш оона 2017, 12:18
Мелдештин экинчи күнүндө Кыргызстан менен Өзбекстандын беттешүүсү оюн талаасында саат 12.20да башталды.
Оюндун биринчи бөлүгү 3:0 эсеби менен улуттук курама команда үстөмдүк кылып турду. Ал эми экинчи бөлүктө Өзбекстан командасы тайказанга эки улак таштай алды. Жалпы жыйынтык боюнча 11:2 эсеби менен Кыргызстан курама командасы жеңишке жетти.
Мелдештин биринчи күнүндө ойногон командалардын жыйынтыктары төмөндөгүдөй болгон:
- Кыргызстан — Монголия: 4:0
- Казакстан — Афганистан: 9:2
- Өзбекстан — Тажикстан: 3:1
- Түркия — Америка: 3:1
- Россия — Венгрия: 7:1
Азербайжан — Кытай: Азербайжан оюнга катышпай калганы үчүн Кытай автоматтык түрдө жеңүүчү деп табылган.
Чемпионат "ЭКСПО-2017" эл аралык көргөзмөсүнүн алкагында "Казанат" стадионунда өтүүдө. Ага 12 мамлекеттин командалары ат салышып жатат.
