БИШКЕК, 21-фев. — Sputnik. Кышкы Азия оюндарында кыргызстандык хоккейчилер филиппиндик атаандаштарын 10:5 эсебинде утуп алды.
Эскерте кетсек, оюндар Япониянын Саппоро шаарында өтүп жатат.
20 Бирдин айы 2017, 15:49
Буга чейин болгон беттешүүсүн жеңиш менен баштап, КР командасы кувейт хоккейчилерин 5:0 эсебинде утуп алганы маалым.
Эми кыргызстандык топ эртең Бахрейндин командасы менен беттешет.
VIII Азия оюндары спорттун 11 түрү боюнча өтүп жатат. Ага 1500гө жакын спортчу жана 30 олимпиадалык комитеттин расмий өкүлдөрү катышууда.
Бул оюндарда Кыргызстандын намысын спорттун төрт түрү боюнча 33 спортчу коргоп жатат.
