12:11 20 Аяк оона 2021
Түз эфир
  • USD84.7772
  • EUR99.8421
  • RUB1.1684
Коом
Кыскача шилтеме алуу
259 0 0

Экс-министр 5-6-октябрь окуяларында Ички иштер министрлигин басып алууга айыпталып кармалып, бирок үй камагына чыгарылган.

БИШКЕК, 14-сен. — Sputnik. Ички иштер министринин мурдагы орун басары Курсан Асанов кармалды. Бул туурасында Асановдун жактоочусу Таалайгүл Токтакунова Sputnik Кыргызстанга билдирди.

Жактоочу Асанов бийликти күч менен басып алууга шектелип, Жазык кодексинин 309-беренесинин негизинде кармалгандыгын, эми баш коргоо чарасы караларын айтты.

ЖМКлар Асановду ИИМ кармагандыгын жазышууда, бирок министрликтин маалымат кызматынан комментарий бере элек.

Эске салсак, Курсан Асанов октябрь окуялары учурунда, тагыраагы, 6-октябрда ИИМдин жетекчилигине келип, бир нече күндөн кийин иштен кеткен.

Ал эми 26-январда кармалган. Ага 5-6-октябрь окуяларында Ички иштер министрлигин басып алууга аракеттенген деп Жазык кодексинин 245-беренесинин 1-бөлүгүнүн ("Имараттарды жана курулмаларды басып алуу") негизинде айып тагылган.  

Экс-министр андан төрт ай өткөндөн кийин 12-апрелде Бишкек шаардык сотунун чечими менен баш коргоо чарасы өзгөртүлүп, үй камагына чыгарылган болчу.

 

Тема боюнча

Качып кеткен Жунушалиев, башчысыз калган милиция. Курсан Асановдун видео маеги
Европа менен АКШга барчуларга паспорт жасап берип жүргөн киши кармалды
Белгилер:
Кыргызстан, Курсан Асанов, кармоо

ЭҢ МААНИЛҮҮ