00:02 02 Баш оона 2021
Түз эфир
  • USD84.7585
  • EUR100.8923
  • RUB1.1589
Коом
Кыскача шилтеме алуу
373 0 0

Компаниялардын директорлору айдоочулардын иш таштоосун үчүнчү жактар уюштуруп, жамааттардын ичиндеги кырдаалды туруксуздаштырууга аракет кылышканын билдирген.

БИШКЕК, 22-янв. — Sputnik. Киши ташуучу жеке компаниялардын жетекчилери Бишкектеги кичи автобустарда жол кирени 19-20 сомго чейин көтөрүүнү талап кылышты. Бул тууралуу мэриянын маалымат кызматы кабарлады.

Мэрдин милдетин аткаруучу Балбак Түлөбаев бул талап акырындык менен ишке аша турчу нерсе экенин айткан.

"Айдоочулар жол кирени  19-20 сомго чейин көтөрүүнү талап кылышты. Мэрдин милдетин аткаруучу маршруттук таксилердин жол киресин 15 сомго чейин, автобустар менен троллейбустардыкын убактысына карабастан 10 сомго көтөрүүнү сунуштады. Пенсионерлер жана балдар 8 сомдон төлөшөт", — деп айтылат билдирүүдө.

Компаниялардын директорлору айдоочулардын иш таштоосун үчүнчү жактар уюштуруп, жамааттардын ичиндеги кырдаалды туруксуздаштырууга аракет кылышканын билдирген.

Сурамжылоо

Маршруткадагы жол кирени көтөрүү талабына макулсузбу?
  • Макулмун. Тариф 8 жылдан бери өзгөрө элек, бул аралыкта баа өстү
    12.0% (10)
  • Отурганга орун болсо 15 сом төлөөгө макулмун
    31.4% (26)
  • Анчалык эмес эми, 12 сом төлөмөкмүн
    21.7% (18)
  • Жок, өзүм араң жүрөм
    30.1% (25)
  • Мага баары бир, жумушка жөө же машина менен келем
    4.8% (4)
Добуш бергендер: 83
Түлөбаев Бишкек шаарынын мэриясынын алдында транспорттук саясат боюнча кеңеш түзүүнү тапшырды. Ал борбор калаанын транспорттук тутумун реформалоо үчүн жарандардын, айдоочулардын, муниципалдык кызматкерлердин жана жеке транспорттук компаниялардын жетекчилеринин жолугушуусу үчүн аянтча болуп бермекчи.

Мэр ошондой эле натыйжалуу иш алып баруу үчүн жеке фирмалардын жетекчилеринин атынан бир өкүлдү тандап, аны өзүнүн коомдук кеңешчиси кылууну суранган. Шаар мэри автоунаа парктарына материалдык зыян келтиргендер жана кичи автобустардын айнектерин сындыргандар мыйзам чегинде жооп берерин кошумчалаган.

Эске салсак, 18-19-январда айрым маршрутка айдоочулары жумушка чыкпай коюшкан. Алар жол кире акысын 5 сомго жогорулатууну талап кылып, жол акы 2012-жылдан бери көтөрүлө электигин белгилешкен.

Айрым маршруткалар каттабагандыктан, калаа тургундарына ыңгайсыздык жаралып, айрымдары үйлөрүнө жете албай кыйналышкан.

Тема боюнча

Иш таштаган маршрутка айдоочулары. Үч компанияга эскертүү берилди
Белгилер:
Бишкек, Балбак Түлөбаев, маршрутка, айдоочу, тариф

ЭҢ МААНИЛҮҮ